شب کی وحشت یار لے کرمیرے گھر پر آ رُکے

شب کی وحشت یار لے کرمیرے گھر پر آ رُکے
چاندنی کے پانیوں میں ڈوبے، اکثر آ رُکے

بادلوں کے پارچے اُترے زمینِ دل پہ آج
فاختائی بام پر تیرے کبوتر آ رُکے

کون جانے روشنی کس تیرگی سے ہے کشید
شعرکہتے ہیں تو دَم دل میں برابر آ رُکے

دشت و بن کی وسعتوں کو نوکِ پا پَہ رکھ کے ہم
اک مکاں کے روزنوں کے پھر برابر آ رُکے

دین و دنیا کے گھروں سے توبہ کر کے نکلے ہیں
قصر و کعبہ پھر پھرا کر تیرے در پر آ رُکے