کعبہ میں نغمے بُتوں کے گائے ہیں

کعبہ میں نغمے بُتوں کے گائے ہیں
ناطقِ حیراں کے ہم بہکائے ہیں

چشمِ دل پر با خدا کھُلتے گئے
آپ ہم سے جس قدر شرمائے ہیں

کس تَری میں ڈوب کر نکلی نگہ
آنکھ کے تارے بہت مُسکائے ہیں

سبز آتش میرے آگے پھول تھی
سُرخ رُو دل کو وہیں ڈال آئے ہیں

شام کے نکلے ستارے صبح تک
اشکِ نمکیں کی طرح سےکھائے ہیں

روپ کے سونا بھرے دو طشت سے
آبِ لب اور نُورِ تر پی آئے ہیں

نیلمیں آنکھیں جہاں پر پھرتی تھیں
رنگ اُن گلیوں سے ہم بھی لائے ہیں